蘋果日報【BrandStory】翻生全靠一粒燒賣!鴻福堂:貴租逼出嚟
香港地做生意甚艱難,貴租連年蠶食利潤,堅持「香港製造」、紮根香港逾30年的鴻福堂(1446)經歷一波又一波加租潮,曾因租金問題陷入困境。公司由傳統涼茶龜苓膏,到突然兼賣燒賣茶葉蛋,「喺香港做零售,創意係迫出嚟」,總經理兼執行董事司徒永富如是說。團隊過去不時「拋橋」推新品,但有橋,不代表條條行得通。
回帶到2003年,鴻福堂承受得起租金的店舖少於20%,即有逾八成店舖「做嚟唔夠交租」,管理層決定親身到前線救舖, 司徒永富是其中之一, 種種觀察啟發他開拓早市和下午茶時段生意。當年分店開早上10時,惜人流疏落「拍烏蠅」,「晨早擘大眼點會飲涼茶呀?」,他笑說,午飯後客人才進店買涼茶,店舖未有盡用營業時間,實在浪費租金。分店位處的商場,清早只有酒樓及一間「排長龍」的西餅店營業,「我當時只想龍尾嘅人嚟我嗰度」,分店遂改由7時開舖,兼賣叉燒包、牛肉球,「頂得下啦,坦白講生意唔算亮麗,但叫做有啲收入」。